अनिल खत्री _२०७२ असोज १८ गते १८:०१ मा प्रकाशित
१८ असोज, तम्घास । गुल्मीको सदरमुकाम तम्घास नजिकै यात्रुबाहक बस दुर्घटना हुँदा ५ जनाको मृत्यु भएको छ । बिहान ८ बजे बुटवलबाट जिल्लाको सदरमुकाम तम्घास आउँदै गरेको लु १ ख ४१६१ नम्बरको बस दिउँसो सदरमुकाम नजिकै रेसुङ्गा नगरपालिको उर्लेनीमा दुर्घटनामा परेको हो ।
दुर्घटनामा रेसुङ्गा नगरपालिका ६ का ४५ वर्षीय रोहित मरासिनी, रेसुङ्गा नगरपालिका ८ का ३३ वर्षीय करण चुदारा, रेसुङ्गा नगरपालिका १५ की ५० वर्षीया भिमकुमारी श्रीष, रेसुङ्गा नगरपालिका १५ कै तामबहादुर सुनार र अलाङ्गकोट ६ की ५ वर्षीया सिजन परियारको घटनास्थलमै मृत्यु भएको जिल्ला प्रहरी कार्यालय गुल्मीले जनाएको छ ।
0 comments:
Post a Comment
यस सामग्रीका बारेमा केहि लेख्न मन भए तल कमेन्ट बक्समा लेखिदिनुहोला। धन्यवाद !